5/30  夢到阿一

咁大個仔, 第一次連續兩晚夢到阿一阿二.

個夢又係講阿一拆穿我, 叫我認罪.
同場加映有人黎睇 queensmill, 去到車房扭開水龍頭, 用火機竟然撻著左d水, 好多火花.  果個人話係因為水龍頭太重金屬, 叫我整番好至賣間屋俾佢.

我的心裝著誰人 兩歲半已定形了~  情感藏不了.  不過兩位都只係永遠係我個心入面, 因為永遠唔會見到面.

5/29 夢到阿二

好耐都冇夢到阿二.  今次佢個樣比較 realistic d (發福左).  一開場係佢禁住我, 話我害左佢十年.  我初頭扮唔識佢.  後來我懺悔, 佢冇出聲, 但係就捉住我手臂. 

上左佢朋友車, 落車果陣發覺唔見左 passport 同部 n73.  佢朋友問我係咪知道自己唔見左野.  我話一定係你偷架啦, 不過我好想知點樣係我褲袋偷出黎.

佢朋友後來畀番我, 阿二就攤左係地, 我跪低問佢有冇事, 佢就錫左我一啖...  佢當我係朋友黎既啫.  完.
-----------------------------------------
今日係 洪展 生日.  嘩我有18年冇見過佢啦.  佢棚牙係咪仲係黃過我?
咦咦咦, 搞錯左, 洪展係4號生日, 今日生日既係 奶貓 至真!  都有7,8年冇見啦... 咦咦咦, 又唔係喎, 好似上個月係 cwb ikea 見到佢買熱狗!  個樣仲好頹添.

如果搞個舊同學聚會, 有幾多人我會認得呢呵?  有我都怕且唔會參加, 我唔想畀人再叫我個朵.

5/22

9:05 塞到番公司
9:07 開電腦
9:11 run 完 startup
9:18 成功 load 第一個 email
9:45 到呢一刻為止, 都仲係 load 緊 阿十 果堆 bounce back 既 email

10:00 正式開工, 真係夠效率~

究竟點解會 bounce back 咁多次?

5/6

媽咪生日, 一家人食飯應該係好開心既事.
本來話去食齋既, 點知因為要7張檯, 老豆唔高興.  我話去食日本野, 阿妹又話媽咪會冇野食.
行左過隔離一間 up 耷野度食, 媽咪打圓場話好味過果幾檔大排檔.

4/15

 準備行街街!

3/31

陳小姐兩周大.  眼神已經好似佢阿媽.

擺左係露台唔夠一個月就開晒, 呢張係好趁青春留倩影.  家陣已經得番幾塊葉.

噢賣葛! mcdonna!

你, 荒廢了多久?
比某同事更久?

reminds me of him.

5/5 食呀食呀食

  
稻香刷刷刷. 我又思覺失調, 明明象素叫左腐皮同口臭餃, 我都再打孖又叫.  好彩食得晒.

3/30 惠比壽第一次

   
招牌毛蟲卷－一般，得個 gimmick
稻庭手打烏冬－可能係價錢唔平，總係覺得好好食
牛肉甜鍋－呢種甜湯味好似曾相識，好溫暖。

4/21

 
因為佢地遲大到, 我地就叫左個蟹子沙律+芒果先.  本來係想加椰果既, 點知賣晒.  早知叫個芒果蟹子沙律, 仲平兩蚊添.

有人竟然答:

5/7

今朝巴士有個好似 船 既人坐對面.  皮膚好靚.  其實佢日日都係搭呢班車, 不過咁近既距離, 真係第一次.

醒晒~

4/30  都係別府

搵唔到其他野食, 咁岩又有位, 咪又係別府囉.
嘗試食d未係別府食過既野, 真係好難諗.

薄燒牛肉卷 - 有成半條黐係牙罅...  食物水準愈黎愈差...

  
 
惠比壽 - 呢個係天婦羅御膳.  98蚊唔算貴.

再叫多個燒肉手打烏冬.  始終我都係真係中意烏冬多d.

埋單唔使 180蚊.  今次真係收左手.

5/1 帶 felix 行街.  可能係因為第一次行咁遠, 番黎果程佢完全唔願郁.  懶~

5/3

今日既新計劃: 7號果個係做 長, 今日請果個 撈女 就跟 雀.  不過我聽到係代 阿十 喎.  究竟係點架?  其實都唔關我事, 唔會影響到我既工作.  阿十 又話走, 話做到有抑鬱症喎.  我地幾個覺得佢係因為上個禮拜 白文 既事而發脾四, 再加上佢跟唔掂d客囉.

聽日話會又改下跟客既 list.  大頭 叫 阿十 做多一年半載, 等大家成熟d至走喎.  我覺得升我既機會已經好微.  已經一換一啦, 何況佢冇叫我去幫手睇住新人, 而只係叫 阿十 去睇.

雀 好唔開心架.  佢話走果陣, 冇人理佢.  而家 阿十 話要走, 就成堆人叫佢留低 (都係假惺惺作下狀咁).  佢同 k 講佢份新工有多兩千蚊.  k 估加埋都只係得14-16k.  佢地真係咁低估呢個位置既人工?  雀 成朝係度搵工, 所有野都掉晒俾 大客仔 做.  講真句, 過分左d.  就算要報復人家唔留佢, 都唔應該做得咁唔大體.

一切變得好快.  夕令朝改.  唔該畀碗黯然銷魂飯過我.

~ 我自信 有日如願 縱使天高地厚 仍被我逆轉

4/27

又係客季.  今季我只有3個客黎.  但係呢3個不嬲都唔係野少...

由星期一直踩到下星期一, non stop.  最壯觀既係星期一: rob --> +750張相

我慫恿 rob 下次叫佢 confirm 我地唔好要 designer 跟, 一來o徙時間, 二來d野都唔岩使.  所以一定要記得下次黎果陣誘導下佢.

佢地兩點幾走, 一輪衝鋒寫溪錢寫到七點幾.  因為我唔想大家又食飯盒, 所以出左去客瓜棧食六人餐加一個餸.  埋單扣數每人只需40蚊, 有翅有星班, 仲想點?  不過d味精加上個人既疲勞, 番到去影相就影到成兩點.  我睇到大家已經完全凋謝. 丫, 應該係話死剩一個, 果條友12點未夠就自己鬆人.  全程冇落過黎幫手, 甚至問下都冇句.  k 同 p 有串大頭, 話佢如果仲唔請人, 到時連現有既人都走埋, "你就死啦".

飛的番到去沖個涼, 又唔眼訓啦喎.  不過對腳就好似跛左咁.

ps 大頭話知我做得辛苦, 所以 牆綠 唔會叫我去整辦, 又話會請個m番黎俾我睇, 跟住升我喎... 我聽果陣好開心, 不過番埋位, 就覺得呢d廢話好似講左不下3次.  狼來了!